طلبات البيت؟ يبقى ميرا مارت!
ليستة طويلة بتتكرر كل شهر إن مكنش كل أسبوع، وعلى ما تفتكرها وتاخد القرار إنك تنزل وتشتري الطلبات وتروح السوبر ماركت والمكتبة والجزار، بيضيع وقت كبير إنت محتاجه لحاجات أهم.
جربت تتصل بالسوبر ماركت وتقوله على طلباتك؟ أو تجرب تطلب أونلاين من المكتبة؟ أو تتصل بالفرارجي يبعتلك طلباتك الأسبوعية؟ لازم كل مرة تكرر نفس الطلب اللي محدش منهم بيفتكره، وتبرر ليه عايز نوتيلا بدل مولتوبيلا، وتعيد عليهم العنوان ورقم التليفون كل مرة، وفي الآخر مش كل الطلبات بتوصل صح!
ميرا مارت هينقذ الوضع! أبلكيشن ميرا مصمم عشان يوفر الوقت اللي بتضيعه في أي مكان بتجيب منه طلبات سواء السوبر ماركت، المكتبة، الصيدلية، المقلة، الجزار، أو الفرارجي. لما تستخدم الأبلكيشن، هتحس بالفرق في حاجات كتير، مش هتحتاج تكرر طلباتك كل أسبوع، وهتختار المنتج اللي يعجبك من غير ما حد يفاصل معاك، وكمان هتدفع لما تستلم الأوردر سواء كاش أو بالفيزا عن طريق مكنة ال POS. باختصار، ميرا مارت هينقذ اليوم في 5 خطوات
حدد طلباتك من بقالة، اللحوم والدواجن، الخضار والفاكهة، الأدوات المكتبية والمدرسية، التسالي، والصيدلية. واستلم طلباتك كلها في نفس الأوردر وفي نفس اليوم.
ارفع صورة بليستة الطلبات أو المنتجات اللي عايز تشتريها، وفريقنا هيضيفها على سلة المشتريات الخاصة بيك ويبعتها لك على البيت.
مش هتحتاج تدخل كل مرة نفس علبة اللبن، ميرا هيفتكر آخر أوردر عملته عشان يسهلك إضافته على السلة مرة تانية.
ادفع كاش او بالفيزا بمكنة ال POS اللي بتنزل مع كل طيار. يعنى مش هتدفع قبل ما تشوف حاجتك قدامك.
أوردراتك هتوصلك وقت ما تحب على العنوان اللي يناسبك. تقدر تستلم الطلبات في نفس اليوم أو تحدد معاد معين للاستلام.
طلبات البيت مبقتش أزمة. نزل أبلكيشن ميرا دلوقتي وانقذ اليوم!